Mədəni İrsin Qorunması Şurasının xüsusi komissiyası Milan şəhərində yerləşən, MilanInter futbol klublarının ev stadionu olan San Siro ilə bağlı qərar verdi. ONBİR La Repubblica qəzetinə istinadən xəbər verir ki, qərara əsasən, stadion Milan şəhərinin tarixi və mədəni irsi kimi qeydə alınmayıb.

Komissiya qərarına aydınlıq gətirərək, 1990-cı ildə keçirilən futbol üzrə dünya çempionatı üçün stadionun tikintisində edilən dəyişikliklərdən sonra, 1925-ci ildə inşa edilən və 1930-cu illərin sonlarında genişləndirilən orijinal arenanın memarlığınından çox az xüsusiyyətlər qaldığını bildirib. Nəticə olaraq, əgər bir obyekt müntəzəm olaraq yenidənqurmaya məruz qalırsa, ölkənin mədəni irsi sayıla bilməz.

Belə olan halda, şəhər icra hakimiyyətinin San Siro`nu qorumaq istəməsinə rəğmən, stadion sökülə bilər və yerində Milan Inter üçün yeni stadion tikilə bilər.

Elnur
Elnur Həsənov təchizat zəncirinin idarə edilməsi üzrə mütəxəssisdir, Niderlandda yaşayır. O, Bakıda Biznesin İdarə Edilməsi üzrə Bakalavr Proqramını, Niderlandda isə Logistika Menecmenti üzrə Magistr Proqramını bitirib. Hal-hazırda, Dordrecht şəhərində logistik proqram təminatı məsləhətçisi kimi işləyir. Elnur AC Milan azarkeşidir, ən sevimli futbolçusu Andriy Shevchenko`dur.