Frank Ribery`nin formasını geyindiyi Fiorentina, Seria A`nın 9-cu həftəsində öz evində Lazio ilə qarşı-qarşıya gəlib və 1-2 hesabı ilə məğlub olub. Qarşılaşmada isə vurulan qollardan daha çox matç sonunda ulduz oyunçu Frank Ribery`nin hərəkətləri danışılıb. Ciro İmmobile`nin 89-cu dəqiqədə Lazio üçün qələbə topunu vurmasından sonra Fiorentina`lı oyunçular və hakim heyəti arasında münaqişə yaranıb və nəticədə Ribery köməkçi hakimi 2 dəfə itələyib.

ONBİR Goal saytına istinadən xəbər verir ki, Seria A rəsmiləri Ribery`nin qarşılaşma sonunda qırmızı kart almasını düzgün qərar kimi qiymətləndirib və onun uzun müddətli cəza almalı olduğunu bildirib.

Qeyd edək ki, Ribery Fiorentina forması ilə çıxdığı 8 matçda 2 qol və 1 məhsuldar ötürmə ilə yadda qalıb.