Zaqrebin Dinamo klubunda çıxış edən ispan yarımmüdafiəçi Dani Olmo Milan`a keçməyə yaxındır. ONBİR Sportske Novosti`yə istinadən xəbər verir ki, ”Rossoneri”lər xorvat klubuna 20 milyon avro, üstəlik 5 milyon avro bonuslar təklif edir. Eyni zamanda, Dinamo Olmo`nun gələcəkdə başqa kluba mümkün transferindən 5 milyon avro qazanmaq hüququna sahib olacaqdır. 21 yaşlı ispan futbolçunun Milan`la 5 illik müqavilə imzalayacağı, ildə 2,5 milyon avro qazanacağı bildirilir.

Olmo ilə daha öncə Barcelona`nın maraqlandığı xəbərləri yayılmışdı. Qeyd edək ki, oyunçu katalon məktəbinin yetirməsidir.

Bu mövsüm Olmo Dinamo Zaqreb`in heyətində 22 oyunda 8 qol və 7 ötürmə ilə yadda qalıb. İspaniya milli komandasında debütü 2019-cu ilin 15 noyabrında, AVRO 2020`nın seçmə mərhələsi çərçivəsində Malta millisi ilə keçirilən matça təsadüf edən yarımmüdafiəçi, bu oyunda bir qola imza atıb.

Elnur
Elnur Həsənov təchizat zəncirinin idarə edilməsi üzrə mütəxəssisdir, Niderlandda yaşayır. O, Bakıda Biznesin İdarə Edilməsi üzrə Bakalavr Proqramını, Rotterdamda isə Logistika Menecmenti üzrə Magistr Proqramını bitirib. Hal-hazırda, Niderlandda logistik proqram təminatı məsləhətçisi kimi işləyir. Elnur AC Milan azarkeşidir, ən sevimli futbolçusu Andriy Shevchenko`dur.