Arsene Wenger Premyer Liqa tarixinin bir komandada ən uzun məşqçilik edən yeganə şəxsdir. O, Arsenal`dan ayrıldıqdan sonra yüksək səviyyəli klub idarə etmə arzusunda olsa da hələ ki buna nail ola bilmir.

Niko Kovac`ın uğursuzluqlarından sonra Bayern onu əvəz edəcək yeni məşqçi axtarışındadır. Wenger, bu posta yiyələnməyi düşünürdü. Onun adı bir neçə daha böyük klubla hallansa da sonda o bu vəzifələrə gətirilməyib. Hələ ki, Arsenal`dan bəri işsiz qalan 70 yaşlı mütəxəssis, alman nəşri olan Bild`in verdiyi xəbərə görə, Bayern`in direktoru olan Karl-Heinz Rumenigge`yə zəng edərək bu klubun yeni məşqçisi olmaqla bağlı fikri olduğunu bildirib.

Ancaq, Münxen təmsilçiləri onun bu istəyini geri çevirərək onunla maraqlanmadıqlarını bildiriblər. Qeyd edək ki, Hansi Flick hal-hazırda Bayern`in keçici məşqçisidir və o, komandasının Çempionlar Liqasında Olympiacos qarşısında 2-0 qələbə qazanmağına nail olub.