Avropa Liqasına gedə bilmək üçün Club Brugge ilə vacib oyuna çıxmalı olan Galatasaray`da zədəli oyunçuların sayı get-gedə artır.

Financial Fair Play çərçivəsində UEFA`ya sadəcə 20 oyunçudan ibarət heyət təqdim edən ”Sarı-Qırmızılı”larda Falcao, Andone, Şener və Luyindama mövsümün ilk hissəsinin geridə qalan oyunlarında forma geyinə bilməyəcək. Kart cəzası olan Nzonzi də sabahkı oyunda iştirak edə bilməyəcək.

Bundan əlavə olaraq isə Ahmet Çalık, Jimmy Durmaz, Emre Taşdemir və Taylan Antalyalı Çempionlar Liqası üçün təqdim edilən heyətdə olmadığı üçün oyunu buraxmalı olacaqlar. Başakşehir matçından əvvəl məşq zamanı zədələnən Babel və Muslera`nın oynaması isə sual altındadır.