Bayern Munich Barcelona`dan icarəyə götürdürü braziliyalı oyunqurucu Philippe Coutinho`nu heyətinə qatmaqdan imtina etdi. ONBİR Goal.com`a istinad edərək bu xəbəri sizə təqdim edir.

2018`ci ilin yanvarında Liverpool`dan Barcelona`ya transfer olan Coutinho katalonların heyətində möhkəmlənə bilməmişdi. Nəticədə standartlarından uzaq performans sərgiləyən 27 yaşlı braziliyalı oyunçu Almaniyanın Bayern Munich klubuna satın alma seçimi ilə icarəyə verildi. Bayern Munich isə bu mövsüm Bundesliga`da 22 oyunda 8 qol vurub, 6 məhsuldar ötürməyə imza atan Coutinho`nu 120 milyon avroya satın alma seçimindən istifadə etməməyə qərar verdi.

Halbuki Bayern Munich klubunun icraçı direktoru Karl-Heinz Rummenigge Barcelona ilə bu barədə gələcək danışıqların mümkün olduğunu və Coutinho`nu gələcəkdə komandada görmək istədiyini də qeyd edib. Yay transfer pəncərəsində Coutinho`nun katalonların heyətində qalacağı müşkül məsələyə bənzəyir və ona görə də Coutinho`nun alman nəhənglərinə keçidi nisbətən aşağı məbləğdə daha real görünür.