Braga`nın gənc hücumçusu Francisco Trincao gələcəkdə Barcelona`ya keçə bilər.

ONBİR Sport.es idman dərcinə istinadən xəbər verir ki, katalon klubu bu yay oyunçunu almaq üçün prioritet hüquqa sahib olub. Braga ilə razılıq, digər hücumçü Abel Ruiz`in portuqal komandasına keçidi ərəfəsində əldə olunub.

Trincao ilə həmçinin Juventus maraqlanır. Hətta Turin klubunun idman direktoru Fabio Paratici oyunçunun agenti Jorge Mendes`lə görüş keçirdib.

Braga Trincao`nun transferindən 20 milyon avro qazanmaq niyyətindədir, Juventus isə oyunçunu 15 milyon avroya almaq şərti ilə icarəyə götürmək istəyir.

Mətbuatda Trincao`nu “yeni Ronaldo” adlandırırlar. 2018-ci ildə 19 yaşadək futbolçulardan ibarət Portuqaliya yığmasının heyətində yer alan Francisco, Avropa Çempionatında 5 qola imza atmışdır. Bu mövsüm 20 yaşlı hücumçu 21 yaşadək futbolçulardan ibarət yığmada çıxış edir.

Elnur
Elnur Həsənov təchizat zəncirinin idarə edilməsi üzrə mütəxəssisdir, Niderlandda yaşayır. O, Bakıda Biznesin İdarə Edilməsi üzrə Bakalavr Proqramını, Niderlandda isə Logistika Menecmenti üzrə Magistr Proqramını bitirib. Hal-hazırda, Dordrecht şəhərində logistik proqram təminatı məsləhətçisi kimi işləyir. Elnur AC Milan azarkeşidir, ən sevimli futbolçusu Andriy Shevchenko`dur.